نصيحتى ليكم اليوم هى الاهتمام بالحمااا
اتعاملى معاها على انها ام ليكى مش حما بدل مييجى على راسك انتى فى الاخر يا لوووزه
يعنى لو كسبتيها النهرده هتريحى دماغك من مشاكل ووجع دماغ ملوش لزمه ف المستقبل
وعلشان كدا تعالى اقولك هتعملي ايه
-اول حاجه تعمليها انك تشجعى جوزك على زياره قرايبه وانه يودهم وخاصه امه وان ليها حق عليه ولازم يبرهااا
-امسحى بقى من دماغك فكره انها حماتكــ وانها ببع وحيوان مفترس وصفى نيتك كدااا واتعملى معاهااا على انها امكـــ مش ام زوجكــ كفايه انها جابتلكــ جوزك اصلا . شوفى بتعملى ايه مع مامتك ونفذيه معاهااا واكسبيها والله وقتها مهما كااااانت بتعاملك ازاى هتشيلك فوق راسها
- كما تدين تدااااااان
يعنى الى هتعمليه النهرده بكره هيتعمل فيكى وعن ثقه والله علشان كدا اتقى ربنا فى اى حاجه بتعمليها علشان هيتردلك كل داا
-حاولى تتحكمى فى غيرتك شويه
يعنى مش معنى انك اتجوزتيه انك هتمتلكيه اكيد ف ناس كتير تانيه بتحبه زى امه واخواته ودى حاجه امفروض انها تبسطك لان الى ربنا بيحبه بيحبب فى خلقه
- المفروض انك انتى تشجعى جوزك على انه يقدم الهدايا لامه واخواته مش تضايقى بقى وتقوليله ازاى تعمل كداا
لان ببساطه الى ملوش خير فى اهله ملوش خير فى حد تانى يعنى مش هيبقى ليه خير فيكى
- لما تروحى لحماتك البيت قومى كدا واتحركى وساعديهااا متقوليش بنتها اولى لا دى ست كبيره واحنا اتفقنا انك هتعامليها كانك بنتهااااا وكانها امكــ ,, فساعدى حتى لو بحاجه بسيطه
- حببى اولادك فى ام زوجكــ وخليهم يحترموهااا ويعظموهاا واتكلمى قدامهم بطريقه كويسه عنها واحرصى انك تبينلهم انها مثلك الاعلى
- ادعيلها دايما فى ظهر الغيب وكمان قدامهاا وشوفى هى هتدعيلك ب ايه كفايه انك لما تدعى لحد ربنا بيقولك ولك مثله
- احسنى معاملتك ليها وخليكى ذكيه علشان تحبك ومفيش مانع ان لما يبقى عندها ضيوف تروحى تساعديها وتقفى جنبهاااا وكل دا ربنا هيعوضك عنه بحسنات وهيردهولك فى يوم من الايام
راعو الله فى كل تصرفاتكم
ولا تنسونى من صالح دعائكم
