اخطاء قبل ليله الدخله تجنبيها !

ازيكم يا قمرات يا عرايس يا مقبلات على الزواااج

 

طبعا  كل بنوته قبل فرحها بتكون قلقانه ومتوتره اوووووى  ومحتاره تعمل ايه بالظبط كلمه من هنا على كلمه من هناااااك ومابين دا ودا هى فى النص محتاره مش عارله ترضى مين ولا تسمع كلام مين

 

خدى مني الكلام دا  عن ثقه وانسى اى حاجه سمعتيها 

 

مبدئيا هكلمك من نحيه التجميل

 

فى مشكله بيقع فيها معظم العرايس وهى :

 

تغيير لون الشعر

 

وتغيره كمان قبل الفرح بيوم او اتنين بحجه انها تغير من ستايلها وشكلها وتختار لون شافته على ممثله فى التليفزين او لون حلو شافته على صاحبتها او صوره فى مجله من غير متهتم ابدااا ياترى اللون دا هيناسبها او لا او هيليق على لون بشرتها او لا 

 

كل دا بيسبب مشكله كبيره للعروسه وبيخليها تتصدم لما تشوف لو شعرها ويجبلها اكتئاب قبل الفرح ويخليها مش واثقه فى شكلها ولا فى نفسها يوم الفرح

 

وبنلاقى كمان كتير من العرايس بتستسهل وتغير هى لون شعرها بنفسها فى البيت دون مراعاه اى شىء وتتفاجا بان اللون اى هى مختاراه مش نفس لون النتيجه الى حصلت عليها

 

علشان كدا نصيحتى ليكى ان تروحى لمتخصصه فى المجال دااا علشان خبرتهم واسعه وبيعرفوا يعالجوا المشكلات بسرعه و تبداى تروحى لصالونات التجميل والمتخصصين قبل الفرح بشهر او شهر ونص على الاقل

 

فى حاجه كمان عاوزه انصحكم بيها وهى  البنوتات الى بتستخدم الواكس  قبل الزفاف على طول وتحط عليه الميكب ,, دا غلط جداااااا لان فى انواع بشره حساسه وممكن تتلهب فلازم تختبرى الموضوع دا او تعمليه قبل افرح بمده كفايه

 

وربنا يوفق كل العرايس الحلوين وتبقوا قمراااات فى يومكووو

المصدر 

بنات 4:17 م